Tennessee-a khawpui lian ber Nashville ah chuan \hawnaleivir hian thil a ti chhe nasa hle a, chenna in tam tak leh building tam tak a nuai chhia a ni. Thlipui thawh hun hi zanlai pelh hnu a ni a, mi tam tak an muttui lai a nih avangin an insaseng hman lo a ni. US President Donald Trump-a chuan \hawnglaivir thawhna hmun hi Zirtawpni khian tlawh a tum thu a puang a ni.
Governor Lee chuan mitthi finfiah tawhte bakah hian chin hriat lova awm mi tam tak an la awm tih a sawi a, a nuai nasat ber Nashville chu indona hnuhma ang maiin a chhe hneh a, a tuar nasa ber Putnam County ah chuan mi 19 an thi a ni.
Nashville Mayor John Cooper chuan khawpui chu \hawngleivir hian a nuai chhe nasa hle tih a sawi a, mipuite chu an \henawm \anpui ngaite \anpui tura pen chhuak \heuh turin a sawm a, hliam tuar mi 150 velin damdawiin an pan tih cooper hian a sawi.
Nashville ah hian mi 44,000 velin power supply an la dawng thei lo a, thlawhna \umhmunte pawh a ti chhe nual a, khawpui chhunga zirna in leh sorkar office \henkhat pawh khar lailawk a ni.
