Thailand PM hlu kum nga chhung tang turin ti

Thailand PM hlui, Yingluck Shinawatra-i chu kum nga chhung táng tura tih a ni a, amah hi a awmna hriat a ni lo. Pi Shinawatra-i hi buhfai subsidy chungchanga thil dik lo awm nia sawi avanga PM a nihna a\anga paihthlak a ni a, a chin hriat lohin rei tak a awm tawh a, heti chung hian Supreme Court-in thiam loh chantirin, kum 5 chhung tang turin a ti a ni. A awmna hi hriat la ni lo mah se, United Arab Emirates khawpui, Dubai-ah a nu\apa, eiruk thubuai avanga an ram chhuahsan, PM hlui bawk, Thaksin Shinawatra-a bulah a awm rin a nih thu, an pawl, Puea Thai Party hruaitute chuan an sawi. Kumin August ni 25 khan Thailand-a court sang ber hian Pi Shinawatra-i thubuaiah hian thutlukna siam a tum a, amaherawhchu court-a a inlan loh avang leh, ram danga a awm avangin \hulh a ni a, he thil thleng hian mak tih a hlawh hle a ni. A ukil chuan Pi Shinawatra-i hi a hriselna a \hat loh avanga court-a inlan thei lo niin a sawi a, mahse court chuan hei hi pawm hnawlin, manna tur thupek a chhuah a ni. Kum 2011-a Thailand PM atana lak luh, Pi Shinawatra-i hian a campaign laia a thupui, mi rethei leh harsate tana ruahman, a man tlawma buhfai hralh chu a bawhzui avangin Thailand ramin ram danga buhfai a hralh chhuah \hin chu nasa takin a nghawng a, hemi avang hian Thailand hian dollar vbc 800 a hloh niin Thailand sipai sorkar chuan a sawi. Buhfai subsidy sem chungchanga thil dik lo a awm nia hriat a nih hnu khan Pi Shinawatra-i thil tih dan hi chhui a ni a, a thuneihna hmang suala puh a nih hnuah PM a nihna a\anga bang tura tih a ni a, hemi hnu hian Thailand sipaite chuan a kaihhruai sorkar hi an paih thla zui a ni.