Trump chuan hri hi a kai lo tih finfiah ni tawh mahse inven sikserh damdawi hi kar khat leh a chanve chhung nitin a ei tawh tih a sawi. A ei chhan an zawhna chhangin, Trump-a hian hydroxychloroquine chanchin tam tak a lo hriat tawh atangin a that ngei a rin vangin a ei tih a sawi.
US doctor te leh sorkar lam mithiamten a him lo tiin puang mahse Trump hian kar engemawzat liam ta atang khan coronavirus ven nana hydroxychloroquine ei hi sawimawi a lo tum tawh thin a ni.
House Speaker, Nancy Pelosi chuan Trump-a’n hydroxychloroquine, coronavirus laka inenkawl nan a ei chu thil tha lo tak a ni tih sawiin, mithiamten an pawmpui loh bakah a kum zat tawh angah chuan he damdawi hi ei lo zawk se a that zawk a ring tih a sawi.
