Heng mite hi Silai hmetpuaktu kum 21 mi, Saudi Air Force Lieutenant \anpuitua puh erawh an ni lo thung a, US Attorney General William Barr chuan sipai officer zirlaite chuan jihadist hmanrua, firfiaka chetna lam kaihhnawih leh milem duk dak lo te an kawl tih a sawi a, Naval Air Station Pensacola-a inkahna chu firfiaka chetna a ni a ti bawk.
Barr chuan silai kengte phone hman, iPhone lock chu phelh turin Apple an dil tih a sawi a, an zinga pakhat chuan phone pakhat chu tihchhiat tumin a kap nghe nghe a, amaherawhchu, FBI-a hnuchhuituten phone chhunga thil pawimawhte chu an hmulet thei tih a sawi bawk.
December thlaa inbeihnaah khan lawng hnathawk mi 3 thah an ni a, mi 8 an hliam bawk. He thil thleng vang hian US-a Saudi sipaite training neih lai chu chawlh lailawk tir a ni.
