Congress Legislature Party Leader, Pu Zodintluanga hian nimin a\ang khan a bial chhung khaw hrang hrang tlawhin harsatna tawk chhungkuate hnenah \anpuina a sem a, Bangladesh-ah hri kai an pun zel avangin ramri depah BSF sipai 42 vel awm mah se, tualchhung mite thuamchak a ngai tih a sawi.
Pu Zodintluanga hian COVID 19 hri leng mek hi India in nasa takin a tuar tih a sawi a, ei leh bara Mizoram innghahna chu State pawn a mi a la nih avangin he hri avanga tawrhna hi a la tawp mai dawn lo a ni a ti a, mahni intodelh tura buh leh bal tam zawk thar chhuak tura \an lak a ngai a ni, a ti.
Buh leh bar thar theihna ram nei \ha zawk thingtlang lama chengte chu an theih ang anga hma la turin Pu Zodintluanga hian a chah a, kumin atana lo vat lote emaw, mahni duh anga zau vat lo emaw tan pawh chul rih a la tlai lo a ni a ti a, \an la turin mipuite a ngen a ni.
Pu Zodintluanga hian a bial chhung khaw hrang hrang a fan pahin Village Level Task Force hnenah \anpuina tangkafai, hmai tuamna, kutkawr leh damdawi te a hlan a ni.
