Tukin khan Tlabung bazar Bungkawna YMA Runah, dan loa din khua te \hiah dan tur sawipuiin YMA, Tlabung branch hruaituten an chhehvel khaw hrang hranga VC-te an kawm a, Sorkar-in a hriatpui loh khaw din eng emaw zat awm chu pawi an tih thu leh, chung khuate a din lohna tura hmalak \ul an tih thu YMA hruaitute hian sawiin, Chakma VC-te chu thawhpuiah an sawm a ni.
Inkawmhonaah hian VC kalkhawmten tun dinhmuna an hriat theih chinah Khojoysury-ah dan loa din khaw 5, Diblibagh-ah 2, Kalapani leh Nunsury-ah pakhat ve ve a awm thu sawilan a ni a, tukina sawilan bak dan loa khaw din dang a awm leh awm loh thlithlai tur leh, a rang lama YMA, Tlabung branch-a hriattir leh turin VC kalkhawmte chu ngen an ni bawk.
Tukina thutkhawmnaah hian, dan loa din khuaa awm mekte chu thla thum chhunga an hnaih ber khuaa insawntir turin, Tlabung branch YMA hruaitute chuan VC-te chu an hrilh a, August thla ral hmaa dan loa din khuate rauhsan a nih leh nih loh chu a \ul angin an ngaihven zui zel dawn tih an hrilh a ni.
