Tlawng leh Pukpui inkar kawngpui siam chungchanga an hmalaknain rah \ha a chhuah zel chu lawmawm an tiih thu Lunglei |halai Pawl-in an sawi. Helai kawng hi Lunglei leh a piah lamte tana kawngpui pawimawh ber ni si a chhe lutuk leh, a mawh phurtuten an ngaihsak mumal lo rei lutuk chu an vei em avangin nikum kum tawp lam a\ang khan hma an lo la \an tawh tih Lunglei |halai hian an sawi a, dawhkan kîl a hmalaknain awmzia a neih hleih theih loh avangin hotu lian zâwkte beng thleng ngei turin tun hnaiah chêt a la ta tih an sawi a, an hmalakna avang hian PWD CE (Roads), Pu Lalrintluanga chuan tun thla ni 2 khan Lunglei tlawhin, Lunglei |halai Pawl hruaituten an mamawh leh pawimawh nia an hriat an lo thlen te chu bawhzui a intiam ang ngeia chak taka hma a la nghal tih an hria chu an lawm hle tih an sawi. Lunglei |halai Pawl chuan, kawngpui siam\ha tura an hmalakna avanga Mizoram PWD Engineers Welfare Association inti te’n thuchhuah siam a, helai kawngpui chungchang chhui tura Departmental Enquiry din an rawt chu Lunglei |halai Pawl chuan lawmawm a ti takzet tih an sawi a.
An pawl chu helai kawngpui chungchanga lehkha pawimawh nei \ha ber leh mawhphurtute ai pawh a vil uluk zawk an nih angin he kawng chungchang chhui a nih hunah pawh an pawl chu be ràwn turin an chah a ni.
