An pawl Chairman, Pu Elvis Chorkhy, Bru Coordination Committee Chairman ni bawk chuan Zonet zawhna chhangin heng mite hian tun hnai khan Mamitah intawhkhawmna neiin \anpuina inanga pe turin sorkar ngen an rem ti a, Equal Package Demand Committee dinin an Chairman atan Pu Elvis Chorkhy ruat a ni a, he Committee hian Tripura-a Bru Relief Camp a\anga Mizorama let zawng zawngte chu inang khat leh a inzat \anpuina leh chhawmdawlna pek a nih theih nan Union Home Minister, Pu Rajnath Singh-a hnenah dilna, Memoramdum thehluh an tum a ni. Union Home Secretary hnena dilna an thehluh copy chu Union Home Ministry-a Special Secretary, Internal Security changtu hnenah te, Adviser, Pu Mahesh Kumar Singla, Joint Secretary, North East leh Mizoram Home Secretary hnenah te pek ve an tum a ni. Zawhna dang chhangin Equal Package Demand Committee Chairman chuan sorkar thu awiha tunhma lama laklet tawh leh anmahni sum senga Mizorama lo let tawh sorkarin a chhinchhiah chu chhungkaw 1,712 niin a sawia, heng mite hian tun hmalam khan Rs 80,000/- an lo dawng tawh a, hemi bak midangin an dawn ang chu dawn ve an tum dawn niin an sawi a, heng zinga a tam ber chu Mamit Disrict ami an ni a, a bakte chu Kolasib District leh Lunglei District ami an ni a, Lawngtlai District-ah chhungkaw 1 a awm niin an sawi bawk a ni.
