Pawl hrang hrang, MBDPF, MBIDM, BDWWC, CDC, ACC leh sakhaw hruaitu aiawhte \hutkhawmna hi Mizoram Bru Displaced Peoples Forum BMDPF President Pu A Sawibunga’n a kaihruai a, thuchhuah in\awm siamin, an thil phutte tih hlawhtlin anih hmaa anmahni hruailet tura sorkar mi leh sa te tir lo tura Chief Minister an ngenna in awmzia a nei lo chu an dem thu an sawi a, sorkarin hruailet a tum danah ama ruahmanna siam a bawhchhia nia sawiin, Camp hrang hranga awmte chu tun bak anmahni hruaikir hna thawh a ni tawh dawn lo tiin intelligent dept mi leh saten an vau niin an sawi.
Tuikuk pawl hrang hrangte hian Mizorama an awm lailawkna tura duan te chu bawng in pawh tluk lo, mihring chenna tlak loh niin an sawi a, Union Home Minister Amit Shah-a’n palai hna thawktu ruat a tum thu a sawi chu lawmawm an tih thu an sawi a, lang lo lamah Mizorama Tuikukten tih duhdahna an tuar nia sawiin, a chhui chiangtu tur Enquiry Committee central sorkarin a din an phut thu an sawi.
