Champhai Sub Hqrs YMA President, Pu VL Chama Hnamte chuan Myanmar-a Mizo tangkhang mekte hruai haw dan tur ngaituah tul an tih thu a sawi a, Myanmar atanga bungraw lut, neitu hriat lohte chu hri leng laka fimkhur thuah an halral thin tih a sawi a. Champhai Sub hqrs YMA Secretary, Pu PC Lalrawnliana chuan April ni 27 atang khan Myanmar nena inkal pawh theih loh turin Tiau lui dung zawng zawngah hma a la tih a sawi a, ral venbuk 46-ah YMA member te an rammu a, nimin thleng khan tanpuina tangkafai cheng nuai 8, sing 9 leh 640 dawng tawh tih a sawi. Tukin khan rammute tan Champhai Branch BSI chuan Sub hqrs YMA hnenah Holy Bible 35 an hlan a ni.
