Tuikhuahtlang YMA hruaitute hnen a\anga thudawn danin vanduaina tawk ta te hi K. Lalhluzuala (Tetea tia hriat bawk) kum 21 mi, K. Lalzarliana fapa leh Lalrintluanga Tlau (Teka tia hriat) kum 18 mi, Remsangzuala Tlau fapa te an ni a, an picnic-na bula Serlui li thuk takah an cheng a, K. Lalhluzuala hian a hleuh chhuak tawh a, Lalrintluanga hi li laiah a tal buai avangin chhan turin li-ah a lut leh a, an inbengberek chu tuiah hian an tla ta a ni. An ruang hi zawn nghal a ni a, K. Lalhluzuala chu nizan thimhlim khan hmuh a ni a, Lalrintluanga erawh chu zan dar 8 vel khan hmuh a ni. Lalrintluanga hi vawiin khan Tuikhuahtlangah vui a ni a, K. Lalhluzuala erawh chu a pa phumna Lungdaia vui turin nizan khan a ruang lak a ni a, vawiin khan vui a ni.
