Power & Electricity Department Secretary, Pu H Lalengmawia’n Tuirial Hydro Electric Power Project a\anga Mizoram sorkarin kawlphetha a leina zat tur bithliah fel a la ni lo tih leh, tihfel hun tur pawh sawi theih a la nih loh thu a sawi a, Tuirial Hydro Electric Power Project a\anga man tlawm zawka sorkarin kawlphetha lei theih nan theihtawp chhuah a nih thu leh, hemi atan hian Mizoram sorkarin sorkar laipui a dawr bakah NEEPCO hotute pawh a sawipui thu sawiin, hengte avang hian DONER a\angin NEEPCO-in cheng vaibelchhe 133 leh nuai 90 a dawng nia sawiin, CM pawhin lehkha a ziahsak niin a sawi a, a chhanna erawhchu an hmu tawh em tih an hriatpui loh thu a sawi. Pu H. Lalengmawia chuan, a tira Tuirial HEP a\anga kawlphetha leina tura ruahman, unit khata cheng 10.54 chu cheng 5.19 vela lei theih beisei a nih thu leh, sorkar laipuiin NEEPCO senso tam zawka a phuhruk theih chuan a aia tlawma lei theih pawh beisei a nih thu sawiin, hemi atan Mizoram sorkar pawhin \an a la zel niin a sawi. Pu H Lalengmawia chuan, Mizoramin kawlphetha a mamawh san lai berin Megawatt 100 vel a mamawh a, tualchhungah Megawatt 10 siam chhuah a ni a, a bak zawng chu hmun dang a\anga lei a ni tih a sawi a, sorkarin kawlphetha lei nan thla tin cheng vaibelchhe 25 chuang a seng \hin a, hei hi chawh rualin unit khat cheng 3.55 a lei ang vel a ni a, mipuiah cheng 4.20 vela pek chhuah leh \hin niin a sawi bawk.
