Prime Minister, Pu Narendra Modi-a’n a hawn t^k Tuirial Hydro Electric Project chu a siamtu NEEPCO-in Mizoram sorkar-ah lehkha pawimawh a la thehluh kim loh avangin a nih tur ang takin hna a la thawk thei rih lo tih Power Minister, Pu R. Lalzirliana’n a sawi. He thu hi Assembly budget session neih meka MPC member, Pu Lalthanliana zawhna chhangin Minister chuan hei bakah hian P&E department-a State Load Despatch Centre Control Room nena inbiak pawhna peihfel a la ni lova, Connection Agreement pawh Mizoram Sorkar-a Law Secretariat-ah buaipui mek a nih thu a sawi. Pu R. Lalzirliana chuan Tuirial Hydro Electrict Project bakah hian kawlphetha megawatt 210 pe chhuak thei tur Tuivai Hydel Project siam turah tunah hian a siamtu tur NEEPCO-in revised estimate a buaipui mek thu leh clearance l^k ngai hrang hrang nei tura hma lak chhunzawm zel a nih thu a sawi a, kawlphetha megawaat 460 pechhuak thei tur Kolodyne HEP Phase II, kum 2008 March ni 22-a NTPC nena MoU ziah tawh pawh Environmental Clearance nei tura buaipui mek a ni tih a sawi bawk.
