PWD Aizawl South Raod Division hotute hnen a\anga Zonet thudawn danin, kawngpui hnawhtu lung tla hi PWD chuan vawiin chawhma dar 10 vel a\ang khan an thianfai nghal a, lung tla hi a len tham deuh balah kawng chhak lamah lung tla leh mai thei engemawazat a la awm avangin chak taka hnathawh theih a ni lova, heng lung tlate hi hal darh a ngai a, n^ taka hal ngam a nih bawk si loh avangin zanin hian kawng hi a tlang hman dawn lova, naktukah then chhunzawm leh a ni ang. PWD hotute chuan, kawngpui hnawhtu leimin thenfai nan hian JCB 2 leh Tipper 5 hman a ni tih an sawi a, a rang thei ang bera kawngpui a tlang theih nan theihtawp an chhuah tih an sawi.
Kulikawn Police Station a\anga thudawn danin, kawngchhak lam lei tla hian kawng thlang lama TK Two wheeler Workshop chu a hnawl vek a, workshop chhunga Two Wheeler siam tura dah 5 pawh a hnawl tel a. Leimin hian Twoo Wheeler workshop a hnawl tih loh chhiatna dang thleng a awm lova, thi leh hliam pawh an awm lo a ni. Ngaizela Aizawl leh Lunglei inkalpawhna kawngpui ping vang hian chhim leh hmar pan tur lirtheite chu Tlangnuam lama kaltir a ni a, helai kawng hi a tet deuh avangin Traffic Police hotute chuan helai kawng dungah hian lirthei tlan tana hnawk theia engmah dah lo turin mipui an ngen a ni.
