An inkawmnaah Pu Lalrinawma chuan, mipui rorelna Democrary-ah Journalist-te chu dinhmun pawimawh tak luahtu an ni tih sawiin, Political Party hrang hrangin dinchang ber nih tuma an inbeihna karah pawh mipui hmaa thu puangzartu an ni a, hemi kawnga an hmalaknaah thudik leh rintlak chauh puangzar tura \an an lak erawh a ngai hle a, an zahawmna chu midang humhim tur ni lovin an mahni thawh chhuah tur a ni tih an hriat a ngai a ni, a ti. Hetah hian I&PR Dy. Director, Pi K. Vanlalsangi leh MJA General Secretary, Pu Zohmingmawia’n Parliament kalphung an zirchian dan an sawi a, he training-a tel ten Parliament kalphung Mizorama chhunzawm ve theih thil \ha hrang hrang nia an hriat rawtna an thlen a, chung zingah chuan Accredited Journalist-te Assembly Session laia Pass hranpa siam ngai tawh lova an Card hmanga luh tir phalsak rawtna chu I&PR Department nen inbe rawna a tihhlawhtlin dan ngaihtuah a nih tur thu Dy. Speaker chuan a sawi a ni.
Dy. Speaker \awiawmtu Assembly Secretary, Pu SR Zokhuma pawhin, Parliament-a an tih \hin ang thovin Assembly-in Library changtlung tak a neiah MLA-te hman \angkai tur hmanraw hrang hrang chhawp a ni a. Library-ah hian District Council hun lai a\anga House-a rorel leh member-te thusawi hrang hrang chu enlet theih a chhawp chhuah vek niin, hei hi Assembly Secretariat website-ah pawh a duh apiang en theih tura tarchhuah a nih thu sawiin, rorel laia MLA-te pui turin Research and Reference Section pawh siam tum mek a ni a, hei hi thawktu indaih lohna avangin chak taka bawhzui theih a nih rih loh thu Pu SR Zokhuma chuan a sawi a ni.
Puan tawh angin Information and Public Relations Department chuan September ni 25 a\anga ni 27 chhung khan Parliament rorel kalphung zir turin Journalist 15 leh I&PR Officer 5 a tir a, heng mite hian Lok Sabha Secretariat-a Parliamentary Research and Training Institute for Democracies-in Parliament rorel kalphung hrang hrang an zirtir a ni.
