Leilung chhiatna avanga vanduaina tawktu zawng zawngte hian sorkar a\anga chhawmdawlna \ha tawk an dawn vek theih an duh thu MPCC hian an sawi a, kum 2017 leh 2018 -a fur ruahtui tla nasa lutuk avanga Mizoram hmun hrang hranga chhiatna thlen dante ngaihtuahin kuminah pawh hian leilung chhiatna rapthlak zawk thleng thei reng a ni an ti a. Hetiang chhiatna rapthlak thleng thei laka inralring tur hian Mizoram sorkar leh Mizoram mipuite an ngen a ni.
Chhiatna thleng hmachhawn kawngah MPCC chu sorkar tha tichak turin a inring reng tih an sawi a, party politics rilru dah\ha a, a \ul dan ang apianga sorkar hmalakna \awiawm tur leh \anpui ngaite \anpui kawnga theihtawp chhuah turin Mizoram hmun hrang hranga Congress Party mite an chah a ni.
