Home Ministry chuan inkharkhip thlahdul phalna hmunah te chuan boruak leh lei lama mipuite veivahna chu ngaihtuah hmasak a ngai tih a sawi a, ramrite chu State tinte ruahmanna siam angin a kal zui ang tih a sawi.
Prime Minister Narendra Modi chuan inkharkhip thawh li-na chu a hmaa inkharkhip aiin a danglam vek dawn tih a lo sawi tawh a, dan thar hmangin inkharkhip hman a ni ang tih a sawi.
Inkharkhip thawh li-na neih tura inkaihhruai dan tur duangtute chuan tualchhunga bus service te chu hri inkaidarhna tamna hmun ni lovah te chuan social distancing hmang chungin an tlan thei ang tih an sawi a, auto leh taxi te pawh an tlan thei tawh dawn a, state leh state inkalpawhnaah chuan phalna neite chauh an tlan thei ang tih an sawi.
Sorkar laipui chuan ram chhunga service thlawhna te chu karleh lama thlawh tir leh tawh turin ruahmanna a siam a, hetihlai hian rel pawh a pangngaiin an service \an leh tawh a, state tam zawk chuan hri inkaidarh zel tur ven nan khauh zawka kal zel a la duh a ni. Hri inkaidarhna tamna hmunah te chuan mipui mimir chet chhuah chu khap chhunzawm zel a ni ang.
