Tunhnaia Lunglei Civil Hospital atanga Doctor 4 sawn chhuah an nih thuah an aiawh tur dah phutin MZP Headquarters, Lunglei in naktuk zing dar 6 atangin tiam chin awm lova Lunglei luhna leh chhuahna kawngpui te dan an tum.

MZP Sub Hqs Lunglei President Lalrammuanawma sawidanin doctor sawn chhuahte hmun ruak hnawhkhat leh tur hian sorkar ah ngenna an lo thlen tawh bakah lungawi lohna pawh an lo lantir tawh a, an beisei ang chhanna an hmu lo a ni.

MZP Hqs Lunglei chuan Civil hospital, Lunglei chu Lunglei mipui mai bakah chhim lam mipuiten an pan khawm ber damdawiin pawimawh tak a ni an ti a, Doctor transfer te chu an aiawhtu tur dah an nih hma chu hmalak chhunzawm zel an tum tih an sawi.