A. Lalrawnliana ralna hi Bungtlang South-a an chennaah MZP hruaitute hian a nei a, Inkhawm hi MZP Finance Secretary Pu Chinkhanmanga’n a kaihruai a, General Secretary Pu Lalnunmawia Pautu chuan, Tv. A.Lalrawnliana hnam dang kut tuara a boral chu MZP in na a tiin pawi a ti hle tih a sawi a, Mizoram chhung ngeiah Mizo ten hnam dang kut an tuar fo leh nunna hial an chan \hin chu an hriatthiam loh thu sawiin a tawpna nise an duh tih a sawi. Lalnunmawia Pautu chuan, pawi khawihna rapthlak tak a mawhphurhtu te chu dan angin an phu tawk hremna na thei ang ber pek chu MZP duhdan a nih thu an sawi a, hnam dang Mizorama lo lut te leh kawhmawh bawla zofate pawi khawih \hinte chu Mizoram chhuahsan tura an duh thu a sawi.
Hemi hnu hian Tv. A.Lalrawnliana ruang hmuhna leh tual thihna hmun Vaseikai Nghalimlui chu MZP hruaitute hian an tlawh nghal a, khawtlang mipuite ko khawmin tun hnuah inngeih taka khawsa ho tur leh hetiang thil duhawm lo hi thleng nawn tawh lo tura an duh thu an hrilh a ni.
MZP hruaitu te hi Bungtlang South BDO Pu. Lalremruata leh YLA President Pu HT.Lalrozika ten an lo dawngsawng a ni.
