Turkey President-in ISIS tanpuiah US puh

Turkey President, Recep Tayyip Erdogan-a’n an ram leh Syria ram phatsana, ISIS mi firfiak pawlte chhawmdawlna pe-ah US a puh. Hemi hma lawk hian US chuan Syria rama IS mi firfiakte inkulhna, Raqqa khawpui a\ang khan, mi eng emaw zat chu an ralthuam nen an tlanchhiat tir ngei niin an lo sawi tawh a, hemi chungchang hi BBC pawhin Thawh\anni khan a lo hai lang tawh a, US thlawp Syria sorkar laka hel, Syrian Democratic Force-te chuan an thurualpui, US leh ram dangte hriatpuina-in IS mi firfiak engemawzat chu Raqqa a\ang hian an inthiarfihlim tir a, BBC-in a kawm zinga mi, truck khalhtute chuan IS mite phur tur hian pawisa tam tak an hlawh thu an sawi a, \angrual pawl thupuangtu, Col. Ryan Dillon pawhin heng mi firfiakte tlanchhiattir tura SDF leh IS te indawrna-ah pawh hian US sipai hotu pawh a tel ve ngei thu a sawi tawh a, an inremna ang chuan Raqqa chhuahsan tumte hi enfiah chian lohte pawh an tel thu a lo sawi tawh bawk a ni. Russia Defense Ministry pawhin Syria khawchhak lama Abu Kamal lam pan, IS convoy pawh US hian a beih duh loh tawh thu leh \um hnih ngawt an ngen hlawhchham thu a sawi bawk a, IS mi firfiakte an zuah b^kah, Russian Air Force leh Syria sorkar sipaite ral bei tur pawh an tibuai niin a sawi bawk.