Mizoramin eiranwgbawlna gas hnianghnar zawka a dawn theih dan tur enin Food Civil Supplies & Consumer Affairs Minister Pu John Rotluangliana’n Borkhola Bottling Plant nimin khan a tlawh.
Supply Minister hian Borkhola LPG Bottling plant hotute chu tun hnaia Mizoram in LPG Supply a dawn tlem chhan a zawt a, Senior Plant Manager Sh. Lal Ngaisang Khozol chuan LPG Supply tlem chhan chu Gas thunkhahna khawl carouser an siam belh vang niin a sawi a, khawl siam belh a nih laiin kangmei ti chhuak palh thei thil te khawih tel a nih avangin carouser hmanlai chu chawlh tir a ngai a, nikhata gas thun khah \hin zatve chauh an thun theih rih vang niin a sawi. Nikhata Truck Trip 12 atanga 15 inkar tal Mizoram tana pe tura Supply Minister in a ngenna chu Borkhola Bottling Plant hotute hian tihhlawhtlin an tum tur thu an lo hrilh a, Carouser an siam belh mek chu thla thar a\anga hman \an theih an inbeisei thu an lo hrilh bawk.
Transport Minister nibawk Pu John Rotluangliana hian Sonai Road-a Mizoram Transport Department ram a tlawh nghal a, guest house, staff quarters leh ticketing counter sak na tur bakah a kaihhnawih thil dangte bakah MST bus hunna tur chungchangah te Transport Dept hotute ruahmanna a siampui a ni.
