UN-a India palai pakhat, Eenam Gambhir chuan Pakistan ram chu a firfiaka chetna sawifiahna atana hman theih hial khawp, an ram pawn thlenga mi firfiakte chhawmdawl \hintu niin nimin khan UN General Assembly-ah a sawi a, Pakistan PM, Shahid Khaqan Abbasi-a’n UN hmaah hian, Jammu & Kashmir-a mipuite harsatna tawh chu India avang nia sawiin, ramri kâna a firfiaka che \hina a puh bakah, kuminah ringawt pawh Line of Control pelin India hi vawi 600 chuang a che tawh niin a sawi bawk a, tun hnuah chuan India hi tharum hmanga chhan let zel an tum thu a sawi bakah, Kashmir buaina ching fel turin UN palai ruat a rawt bawk a ni. Pakistan PM thusawi hi India palai chuan na taka chhang l>tin, thu dik lo behchhana thusawiah Pakistan PM chu a puh a, tun hma pawha Osama bin Laden humtu ram hian UN pawhin mi firfiaka a ngaih, Lashkar-e-Taiba hotu, Hafiz Mohammad Saeed chu a hum mek bakah an rama political party hruaitu nihtir a tum mek avangin, hei ringawt pawh hian a firfiaka chetna thila Pakistan thil tih chu a tilang chiang hle niin a sawi a, ram hlawhchham mekin mipui rorelna leh mihring dikna leh chanvo chungchang sawi a tum chu ropui a tih thu a sawi bawk.
Chanchin Thar UN-a India palaiin Pakistan ram chu a firfiaka chetna sawifiah nan hman...
