Naupang kum 5 hnuai lam áwm ná (Pneumonia) leh kawthalo avanga thi an tlem theihna tura UNICEF-in Action Plan a siam India rama hman tan mek chu Lunglei District-a hman ve dan tur chungchang nimin khan Dist. Bawrhsap, Pi Lalzarmawii hovin sawiho a ni a, Bawrhsap chuan, khawvel pumah naupang kum 5 hnuai lam za zela 29 vel chu awm na leh kawthalo avangin an thi a, India ramah pawh heng natna avanga thi an tam hle tih sawiin, heng natna chi hnih dona atana kum 2013-a UNICEF siam, Action Plan hi hlawhtling taka hman a tul thu a sawi a, hemi kawngah hian Health Department bakah Social Welfare, PHE, PWD, Enviroment & Forests, Rural Development, UD&PA, LAD, Education leh Information & Public Relations Deptt. te bakah Kohhran leh tlawmngai pawl hrang hrangten a huhova tan an lak a ngai niin a sawi. Chief Medical Officer, Dr. VLMS Dawngliana pawhin heng natna do nan hian Deptt. leh pawl hrang hrang tanrual a pawimawh thu a sawi.
