INX media thubuaia man, P Chidambaram-a hi Tihar Jail ah thla hlui a\ang khan a tang tawh a, a bail dilna ngaihtuahtu Delhi High Court chuan alaka finfiahna awm theite ti chingpen dawn lo mahse, thu hretute a ni lo zawnga a hmin theih dawn avangin bail-a chhuahtir a rem lo tih a sawi.
Chidambaram-a hian amah puhna te chu pawikhawihna lian tham a ni lo tih a sawi a, CBI erawh chuan pawikhawihna len leh len loh chu hremna a kenin a hril ber lo a, ram leh khawtlang tana nghawng a neih len leh len loh a pawimawh zawk a ni an ti thung.
Chidambaram-a hian Finance Minister a nih laiin kum 2007 khan INX Media in ram pawn lam a\anga sum a hmuh theihna turin a thuneihna a hmangsual nia sawi a ni a, a fapa Karti Chidambarama chuan sum leh paia hlawkna tam tak a tel niin an sawi.
Prime Minsiter hlui Manmohan Singh chuan mi tam takin a huhova thutlukna an siamnaah P Chidambarama mal thlur chu thil dik lo a ni a ti a, Officer tam tak, sorkar hnuaia secretary paruk ten a hunlaia thutlukna siam tur kha an enfiah a, P Chidambarama thil ti dik loa puh a nih dawn chuan sorkar kalphung pumpui a tlusawp dawn tihna zawk a ni a ti.
