UN Security Council tirh, Pakistan-in UN thuchhuak a bawhzui dan en fiah turten Pakistan an thleng ta a, Pakistan hi khawvel ram hrang hrangin Mumbai-a pawi khawihna bul tumtu, Hafiz Saeed-a leh a telna pawl dangte chunga hremna lek turin na takin an nawr mek a ni. UN Security Council mi tirhten Pakistan an thlen thu hi sorkarin puang lo mah se, Geo News chuan nizan khan Islamabad an thleng tih a sawi a, he team hi United Nations Security Council 1267 Sanctions Committee tih an ni a, Pakistan chuan, a hnathawh leh thil tih en tur ni hran lovin, tih dan pangngaia zin ve mai niin a sawi a ni. Pakistan hian he UN committee hi Jamaat-ud Dawa (JuD) hotu, Saeed leh a kaihhnawih pawlte hmuh a remti dawn lo nia sawi a ni a, niminah khan Lahore High Court chuan March ni 17 hma chuan Saeed-a hi man lo turin Pakistan sorkar a lo hriattir tawh bawk a ni. JuD hotupa hming hi UN Security Council Resolution 1267 list-ah kum 2008 December thla a\ang khan telh a ni tawh a, UN team an zin dawn avang hian amah leh JuD leh Falah-i- Insaniat Foundation mi pawimawhte chu man an nih loh nan court humhimna a dil a ni.
Chanchin Thar UNSC tirh ten Pakistan thleng
