UP-a buaina chhuakah lirthei hal, mi 6 hliam

Uttar Pradesh-a Ballia district-a tharum thawhna thlengah mi paruk an hliam a, lirthei eng emaw zat hal a ni bawk. Nimin khan district-ah hian Shia Muslim-ten kum danga an tih \hin angin an thla serh zinga pawimawh bera ngaih, Muharram pualin Muslim mi thianghlim, Imam Hussain ibn Ali hriatreng nan kawng an zawh a, police-te sawi danin, Sikandarpur khuaa Rasidia Masjid bul an thlen dawnah lunga invawm an awm tih thu thehdarh a nih avangin buaina hi a in\an a, hemi hnu hian hriamhrei leh leirawhchan hmangin an inbei zui a, bike pahnih leh thirsakawr pahnih hal a ni. UP-a Kanpur-ah pawh nimin vek khan Shia Muslim-ten kawng an zawhnaah buaina nasa tak a chhuak a, mi 30 vel an hliam a, motor 10 leh dawr 4 vel hal leh tihchhiat a ni a, buaina tihtawp nan hian police-ten silai an hmeh puah bakah, mittui tlakna hlo an hmang a, hliamte chu damdawi inah dah nghal an ni.