UPC North East India North Mizoram District Conference vawi 68-na, Maubawk Biak Ina neih chu nizan khan UPC General Superintendent, Rev. K. Darsailova’n a hawng. Rorel inkhawmah hian District PYD Conference nakkuma neihna turin Lengpui Bial ruat a ni a, District Sunday School Department kumpuan atan “Naupangte tan Thlarau Thianghlim” tih chu hman zui a ni dawn a ni. Zanina Pathian biakna inkhawm ah ‘Rawngbawl tura chhandam’ tih thupui hmangin Rev. Lalbiakzuala’n Pathian thuchah a sawi dawn a ni. He Conference-ah hian naktuk atangin Kohhranpui enkawl dan leh hmalakna chungchangah rorelna neih a ni ang. He Conference-ah hian District PYD member nikum chhunga thi mi 7 sun an ni a, chawl lova PYD hruaitu hna kum 10 chunglam thawkte chawimawina pek an ni bawk.
