ZONET zawhna chhangin Blue Hill Engineering hotu Dr. Lalthlamuana chuan he hna thawh mekah hian hmabak la awm chu lei chhuat cement concrete-a chhun leh a tihnghehna tura welding hna leh hna dang la awm te niin a sawi a, lei panna kawng siam hna hi zawh thawhkhat a ni tawh a, lei chhuat cement concrete chhun hna chu December chawlhkar hmasa berah thawkin zawhfel theih tum a ni a, amaherawhchu hemi hnu hian a char nan ni 20 tal nghah zui a ngai ang a, hemi chhung hian lei tih nghehna tur hna \henkhat thawh ngai la awm te thawh chhunzawm a ni ang a, a pumpui hian Krismas hmaa lirthei chi tin kal theiha zawhfel hman tum a ni dawn a ni. He lei sei zawng hi meter 50 a ni a, lei innghahna hmawr tawn tawnah thuk taka lei lai khuara a innghahna nghet tawk taka siam a ni a, a hnuai lei a bal thlak avang leh a chak tawk loh avangin a laiah ban dah a ni lova, lei tihchak nan lei sir tawn tawnah a khaitu thir kual lian tak dah a nih bakah a khaitu ban leh a chhun kalhna \hahnem tak dah a ni bawk a ni. He lei hi motor lian ritphur dawl zo tura siam a ni. Zawhna chhangin Dr. Lalthlamuana chuan hna an thawh chak theih lohna chhan chu lei dawhna hmanrua thir rit tak tak khaitu tur khawl lei dawhna hmunah a lakluh theih loh vang leh a chhak lama Tuikhuahtlang kawng a\ang pawhin thil rit chawina crane leh recovery van ang chi te a dah theih loh vang niin a sawi a, mihring hnathawktu rawihte tha hmang veka lei dawh hna hi thawh a nih avangin a chak thei lova, hemi bakah hian hnathawk ri beng chheng zan reia a awm loh nan mut hunah chuan hnathawh hi chawlhsan a ngai \hin niin a sawi. He lei hi dawh zawh a nih hun chuan Aizawl chhim lama traffic jam \hin chu nasa takin a ziaawm tawh dawn a ni.
