US-a India palai ni mek, a hna a\anga chawl hnai tawh, Navtej Singh Sarna chuan vawiin khan kum hnih chhungin India leh US inkar a danglam nasat thu leh, lei leh van ang mai nia a hriat thu a sawi.

Sarna hi kum 1998 September thla a\anga kum 2002 June thleng khan Washington DC khawpuia India sorkar hmunah Counsellor a lo ni tawh bawk a, khatih hunlai khan India-in nuclear ralthuam a enchhin vangin US chuan hrekna eng emaw zat a lek a, tunhnuah chuan US hian India hi zah taka a en tawh thu leh hriatthiamna tam tak a neih tawh thu a sawi a, ram pahnih inkar hi PM Narendra Modi-a’n US a tlawh a\anga \ha \an niin a sawi bawk a ni.