Twitter chuan US President, Donald Trump-a’n George Floyd-a a thlahna video a post chu a paih sak a, White House pawnah buaina chawk chhuak lova lungawilohna mipuiten an lantir laiin police ten an tibuai tih rights group chuan an sawi a, Trump-a kaihhruai sorkar an khing a ni.
Washington DC mayor chuan state danga lungawilohna lantirtute hmachhawn tura sipai thawn chu hnuklet turin a ngen a, hetihlai hian Facebook Chief Executive Mark Zuckerberg chuan inhnialna chawk chhuak thei US President-in a post \hin avangin social network kalphung chu ennawn \ul a tih thu a sawi a, invauna te, police emaw, state-in emaw an thuneihna hmanga uchuak taka thil an post \hin te pawh ennawn zingah a tel dawn tih a sawi bawk.
