US-ah silai khuahkhirhna dan khauh zawk phutin kawng zawh

Florida High School-a zirlaite pawng kah chiam a nih hnu thla khat tlin hma ni chiahah Washington leh Los Angeles ah te zirlaiten silai khuahkhrihna dan khauh zawk siam ngiatin kawng an zawh. Washington leh a chhehvel-a zirna in za tel a\anga thawkchhuak zirlaite chu White House bulah pungkhawmin, thuziak chi hrang hrang te an keng a, chung zingah chuan silaimu ni lovin lehkhabu zawk le tih te, silai ni lovin mipuite zawng venghim rawh tih te a tel. Kum 17 mi Brenna Levitan chuan ram roreltute leh politician te hnenah an awm mai mai lo va, an ngawi mai mai dawn lo tih hriattir an duh tawh tih a sawi. Hetiang bawk hian state dang 50 khawpui hrang hrangah te pawh zirlaite hian silai khuahkhirhna dan khauh zawk siam phutin lungawi lohna hi an lantir a, thla khat liamta-a Florida Parkland-a Marjory Stoneman Douglas High School-a zirlai 14 te leh thawktu 3 kah hlum takte sunna lantirin zirlaite chu hun rei vak lo ngawi rengin an ding a. Hmun tam takah kawng te an zawh bawk.