US Defence Secretary, James Mattis-a chuan New Delhi a tlawh mek a, Defence Minister, Nirmala Sitharaman-i nen an inkawm tawh a ni. Pi Sitharaman-i chuan India-in a sipaite chu Afghanistan ramah tirh a tum loh thu a sawi a, Afghanistan ram tih hmasawn kawngah erawh chuan tun aia nasa zawka \an lak tum a nih thu a sawi. Defence Minister hian thuthar la khawmtute hnenah India sipaiten Afghanistan ram leilung an rap dawn lo tih a hrilh a, mi firfiakte avanga Afghanistan rama buaina thleng mek tihtawp kawngah hian India leh US thawh dunna pawh a \ha sawt hle niin a sawi bawk.
Jim Mattis-a hi President Donald Trump-a kaihhruai US sorkara Cabinet Minister-te zinga India rawn tlawh hmasa ber a ni a, PM, Narendra Modi nen pawh an inkawm ang. India leh United States inkar boruak hi a \ha sawt hle a, kum 10 kal ta chhung khan India hian America ralthuam, dollar tld. 15 chuang man a lei a, a hma chuan Russia kutchhuak deuh hlir a lei a ni. Tunah pawh hian India-in Sea Guardian an tih, drone tlawhna, 22 a lei dan tur an sawi leh dawn a ni.
