President Trump-an Syria a\anga US sipaite hnuhlet an nih tur thu a puan tuk chiahah James Mattis hian a ban tur thu hi a puang a, President thutlukna hi a thlawp lo a ni. Banna lehkha a thehluhah General Mattis chuan Trump-a nen ngaihdan inan lohna an neih thu a ziak lang a, President chuan a duh zawng mi, rilru puthmang ang pumi a ruat thei tih a lehkhaah chuan a tarlang bawk. Kum 68 mi Gen Mattis hian February thlaah a hna hi a bansan ang a, President Trump-a chuan a aiawhtu tur hming a la puang lo a, hun rei lote chhungin puan chhuah a ni ang a ti.
Trump-a party mi tho, Senate hruaitu Mitch McConnell chuan President leh Gen Mattis te ngaihdan inan loh vanga Gen Mattis-a’n ban a tum ta chu pawi a tih thu leh he thu hian a barakhaih hle tih a sawi.
