US Embassy Jerusalem-ah kum 2019-ah sawn dawn

US Vice President, Mike Pence-a chuan Israel rama US Embassy chu Tel Aviv a\angin nakkum, 2019 tawp lamah Jerusalem-ah sawn a nih tur thu a sawi a, nimin khan Israel Parliament-ah he thu hi sawiin, Palestinian ho thinurna leh ram dangten America an dem phahna thlentu, US embassy sawn chungchang hi a sawi chiang ta a ni. December thlaah khan President Donald Trump-a chuan Jerusalem chu Israel khawpuiah a pawm thu leh, US Embassy pawh Jerusalem-ah hian sawn a nih tur thu a lo sawi tawh a, Palestinian ho hian Jerusalem khawpui chhak lam hi an khawpuiah an hauh ve avangin, anmahni leh anmahni thlawptu, Arab ramte chu an lungawi lo hle a ni. Vice President Pence-a chuan, rei lote chhungin America sorkar chuan Jerusalem-a United States Embassy hawng tur hian a tih tur a bawhzui dawn tih sawiin, nakkum kum tawp hmain United States Embassy thar hi hawn a ni ang, a ti a, Jerusalem chu Israel ram khawpui a nih avangin, President Trump-a pawhin Israel rama US Embassy chu Tel Aviv a\anga Jerusalem-a sawn turin, buaipui ngai apiang, chak taka bawhzui turin State Department a hrilh tawh tih a sawi. He thu, US Vice President-in a sawi lai hian Israeli Arab Parliament member-te chu lungawi lovin an lo ding chhuak a, Arabic leh sap\awnga thuziah, “Jerusalem hi Palestine khawpui a ni” tih chu an lek chhuak a, hetianga lo au buaite hi House a\angin hruai chhuah an ni. Pence-a thusawi chungchangah hian Palestinian President, Mahmoud Abbas-a thupuangtu, Nabil Abu Rdainah chuan, United States hian West Asia-a muanna zawnna kawngah \angkai ve a duh chuan, \an bik nei lovin, khawvel ram dangte ngaihdante pawh a zawm ve tur a ni tih a sawi.