Donald Trump-a hian US sorkar hnuaia agency zawng zawng te chu Commerce Dept hnenah US-a cheng mipuite zingah US khua leh tui dik tak zat leh khua leh tui ni lo zat dik tak report pe tura tih an ni dawn tih a sawi a, Trump-a hian Rose Garden-ah thu sawiin, US khua leh tui dik tak te chu khua leh tui an nihnaah an inchhuangin an hlim a ni a ti a, hei vang hian chhiarpuiah khua leh tui dik tak leh dik tak lo te chhinchhiah chu theih loh mahse, commerce dept kaltlanga hmalak a ni dawn tho tih a sawi.
Kum 10 dana chhiarpui neih \hinah hian US khua leh tui dik tak te leh a ni lo te chhinchhiah fel hi Trump-a hian kum khat liamta a\ang khan a tum thu a lo sawi tawh a, a sawiseltute chuan hetianga chhiarpui hi neih a nih chuan US-a pemlutte chuan chhiarhpuia thil pawimawh dang tam tak pumpelh ruk an tum phah dawn niin an sawi thung. Supreme court pawhin chhan mumal tak awm lo chuan chhiarpui-ah khua leh tui an nih leh nih loh zawh tel chu a remchang lo tih a lo sawi tawh a ni.
