Commerce Department chuan he tihkhawtlaina hian President Donald Trump-a’n ram dinhmun a tihderthawn a rin vanga a thutlukna chu a ti danglam lo tih sawiin, Huawei-in America company te nena an sumdawnna an chhunzawm lailawk theih nan Temporary General License pe a, Huawei mobile phone leh network hmag sa ten hna an thawh chhunzawm theih nan leh Huawei khawl hmang company te’n ruahmanna dang an siam theihna tur hun an neih theihna tur a ni a ti a, US company te’n Huawei khawl an hralhchhuah erawh khapsak a ni tih an sawi a ni.
5G network-a hma hruaitu Huawei company hi China sipai ten an pui nia US intelligence te’n an hriat thu sawiin ramdang te inbiakpawhna pawh an khawl hmang hian an ngaithla ru thei tih an sawi a, hei hian US ram himna a tiderthawng thei nia an sawi avangin President Donald Trump-a chuan national emergency puangin Huawei hi khap a nih tur thu a puang a ni. Washington hian a thawhpui ramte chu Huawei hi khap ve turin a nawr nghal bawk a, Australia chuan khap hi pawm mahse 5G network changtlung tak Huawei hian ram dang inrempui a lo neih nual tawh avangin US hian ramdang te rilru hi a hneh mai thei lo a ni.
