Toronto-a thu sawiin, Hillary Clinton hian Khashoggi-a thih dan dik tak zep ru-a thu dik thup tumtu President US in a nei mek a ni a ti a, Khashoggi thihna chungchangah President Donald Trump-a leh a \huihhruai \henkhat chuan engemaw tak hlawkna an tel niin a sawi. President Trump-a hian november ni 20 khan Saudi lal Prince Mohammad bin Salman chuan Khashoggi thahna hi a hriatpui ngei nia a hriat thu a sawi a, hetihlai hian Saudi hnena ralthuam hralh tura inremna lo siam tawh tih tawp chu thil atthlak tak a ni a ti thung a, Donald Trump-a hian sawisel a hlawh zui nasa hle.
Saudi sorkar hotute chuan tualthahna hi an lal chhungkuain an hriatpui lo nia sawiin, thil kal sual palh vanga Khashoggi-a chu thah niin an sawi a, Saudi sorkar chuan a mawh phurtua puh mi 21 an man tawh nia sawiin an zinga 11 te chu thubuai siamsak an ni tawh a, an zinga panga phei chu thiam loh chantir an nih chuan thi tura an chungthu rel theih a ni dawn tih an sawi.
Turky Police te chuan Jamal Khashoggi-a hi Istanbul-a Saudi Consulate ah october ni 2 khan thah a ni a, a ruang chansawm vek a ni an ti a, He chanchinbumi tual thihna hian khawvel ngaihven a hlawh hle a ni.
