Kum 1967 indonaah Israel hian Golan Heights hi Syria a\angin a la a, khawvel ram dang te chuan helai hmuna Israel thuneihna chu an pawmpui lo a, US-in hemi chungchanga a ngaihdan, kum 50 chuang a lo pawm tawh chu Trump-a hian a rawn \hiat a ni. Trump-a chuan Iran leh Syria-a mifirfiak pawlte’n tharum thawh-a hma an laknaah Israel beihnan Golan Heights hi an hmang \angkai tih sawiin Golan Heights chu Israel thuhnuaiah a awm tih a pawm thu a puang a, Israel hian a ram venghim tura hma a lak chu a dikna chanvo a ni a ti. White House-a cham mek Israel Prime Minister Benjamin Netanyahu chuan Golan Heights chungchanga President Trump-a thupuan chu thil chhinchiah tlak a ni a, Golan Heights chu Israel thuhnuaiah a awm hlen dawn a ni a ti.
Hetihlai hian Russia foreign ministry thupuangtu Maria Zakharova chuan Trump-a hmalakna hian thil kalphung pangngai a kalh a, Asia khawmual thlang lamah boruak \ha lo a thlen ang tih a hlauhthawnawm a ni a ti a, Syria sorkar chuan a Trump-a thil tih hian Syria ram thuneihna a zah lo hle tiin a sawisel a bawk ni.
