European Union-a US tana palai, Gordon Sondland leh Ukraine chungchang zirbingtu, Lt. Col Alexander Vindman te chu Trump hian a ban a, Sondland chuan vawiin khan President chuan a hna thawk leh turin a rang lama koh let leh a tum tih a hrilh niin a sawi a, Trump-a’n Secretary of State Mike Pompeo-a thlawpna anga US tana EU-a palai hna a thawh tir chu thil lawmawm tak a ni a ti a, thil hrang hranga hlawhtlinna an hmuh te chu a chhuan thu sawiin, EU-a US palai hna a thawh chhunga a hnathawh chu ama tan pawh hmasawnna nasa tak thlentu a ni a ti bawk.
Hetihlai hian Vindman pawh an ram tana a hna thawhna hmun White House a\angin venhimna hnuaia chhuah tir a ni a, Vindman-a phirpui, National Security Council ukil, Yevgeny Vindman pawh Dept. of Army-ah thawn let a ni bawk.
Vindman-a counsel, David Pressman chuan Vindman-a chu thudik tak sawi tura tih a ni a, chu thudik vang chuan a hna a ch^n bakah, a eizawnna te, a mimal thil thlengin a tawrh phah a ni a ti.
