Trump-a hian Islamic State te chu an tlawm tawh avangin US sipaite hi an awm a \ul tawh lo tih a sawi a, hetihlai hian Republican Party mi te ngei leh US thawhpui ram dang te chuan Trump-a thutlukna hi an pawmpui lo hle thung a, US sipaite hian Syria an chhuahsan mai chuan IS te hi an intuaithar leh thei dawna an ngaih thu an sawi. US sipaite hian Syria hmar chhak lama inkhuar hel pawlte hi an nawr tawm hneh tawh hle a, hetihlai hian hmun \henkhatah erawh hel pawlte hi an la inkulh thung a ni. Republican Senator Lindsey Graham chuan Trump-a hmalakna chu Obama pawhin a lo tih sual tawh ang chiaha thil tih sual nawn lehna tur a ni a ti a, UK sorkar pawhin IS te hmehmih an ni tawh tih Trump-a sawi chu a pawmpui loh thu a sawi ve bawk.
Pentagon chuan IS te nuai chimit vek turin ruahmanna thar siam a ni thu a sawi a, hmalak tum dan erawh a puang chiang lo thung. Trump-a hian Syria a\anga America sipaite hruai let hi a lo tiam tawh a, America sipaite chuan hnehna ropui tak an chan tawh avangin hruai haw a ni dawn tih twitter hmangin a puang a ni.
