Trump-a hian coronavirus leng a hmachhawn danah WHO chu a hlawhchham avangin chhawmdawlna tur sum chhun luh chu tihtawp a \ul a ni a ti a, UN agency chu hri leng \aidarh tur ven kawngah fel lo taka thil tihah a puh a ni.
UN hotulu chuan WHO tana sum chhun luh tihtawp chu a hun rih lo tih a sawi a, Trump-a hian khawvel pum tibuaitu hri leng a hmachhawn danah sawisel a hlawh hle a, hri \ai darh tur ven kawngah che muanga puh a ni.
WHO chuan Trump-a puhna hi a la chhang let lo va, amaherawhchu UN Secretary General Antonio Guterres chuan ram leh ram inkungkaihna chu coronavirus do kawngah tih \hat sauh sauh a, lungrual taka \an tlan hun a ni tih a sawi a, World Health Organization chu a mimal ngaihdanah thlawp \ul a tih thu a sawi.
WHO hi kum 1948 khan Switzerland Geneva-ah hqrs. neiin din a ni a, khawvel puma mihring chengte hriselna dinhmun chawikan leh vil kawnga UN hnuaia thawktu a ni a, state member 194 a nei a ni.
Membership fee a\angin sum a la lut ber a, mi inphalten an pawisa an thawh khawm \hin bawk a, chumi hmang chuan khawvel pum huapin hna a thawk \hin a ni.
US hi khawvel puma WHO \anpuitu lian ber a ni a, kum 2018-19 chhung khan US dollar maktaduai 400 a chhunglut a ni.
China chuan kum 2018-19 chhung vek hian US dollar maktaduai 76 WHO-ah hian a chhung bawk a, US dollar maktaduai 10 vel chu mi phalte hnen a\angin a chhung bawk a ni.
WHO hian kumin March thla khan coronavirus tuartu ramte \anpui nan sum thawhna tur a siam a, a lo berah US dollar maktaduai 675 a mamawh dawn a ni.
Hetihlai hian Microsoft neitu Bill Gates chuan WHO sum pek tihtawp chu tun dinhmunah chuan a hlauhawm zawk hle dawn tih a sawi.
