Sales chuan kum 2011 September thlaa Al-Qaeda mi firfiak pawlin New York khawpuia World Trade Centre an beih hnua beihpui an thlakna-ah khan Pakistan chuan a pui nasa hle tih a sawi a, Haqqani leh Lashkar-e-Taiba leh mi firfiak pawl dangte beih kawngah pawh Pakistan hian tih tur a ngah thu leh, a tih ngei pawh an beisei thu Congress hmaah a sawi a ni. Congress member zing ami, Ted Poe pawhin Pakistan chu mi firfiak pawl beih kawnga hnathawk loah a ngaih thu a sawi a, Pakistan-in a hum mi firfiak pawlte hian Afghanistan thleng pawhin pawi an khawih \hin thu leh an ram lama an tlanchhiat leh \hin avangin umzui pawh an har hle niin a sawi a, sum leh paia nasa taka an \anpui laia Pakistan-in luhlul a chhuah tlat chu a hriatthiam loh thu a sawi bawk a ni.
