He video-ah hian Chandauli bialah EVM engemawzat counting centre-a sawnluh lai tihlan a ni a, he video latu, Samajwadi Party thlawptute chuan a sawntute hi Election Commission thupek anga EVM dangte ruala an dah fel nghal loh chhan leh inthlan zawhfel a nih hnua an sawn chhan an zawtlai hriat theih a ni a. Thuneitute chuan video-a lang EVM 35 vel hi reserve EVM an nih thu an sawi a, officer te chuan ngaihtuah fel tur thil pawimawh a awm avangin evem te hi khawih chet a ni tih sawi mahse Election Commission danah chuan reserve EVM te pawh hi vote thlak nana hman EVM te nen a ruala dahluh fel tur a ni.
Uttar Pradesh-a Ghazipur-ah BSP candidate Afzal Ansari leh amah thlawptute chuan EVM dah \hatna strong room a\angin motor hmanga EVM engemawzat lakchhuah tum nia sawiin a pawlte nen EVM dahna strong room hi an veng a, returning officer-in candidate aiawhte chu EVM strong room bula an awm theih nan ruahmanna siam theih anih tur thu leh langtlang taka thil tih a nih tur thu a hrilh hnuah an \in a ni. EC chuan heng puhna te hi belhchian dawl lo an nih thu sawiin EVM te hi khauh taka venhim an nih thu a sawi a ni.
Kar hmasa Thawhlehni khan Samajwadi Party leh Bahujan Samaj Party worker te chuan UP Domariyaganj biala strong room a\anga EVM lakchhuah engemawzat phur truck te chi an man niin an insawi a, BJP party chu EVM tihchingpen tumah an puh a, lungawi lohna an lantir hnuah EVM te chu counting centre-ah dahlet an ni. Tualchhung thuneitute chuan heng EVM te hi inthlan thawh 6-na hmaa an dawn, a chuang nia sawiin thawh 7-na atan thawn chhuah an tum niin an sawi a, tualchhung election officer erawh chuan hetianga hma lak a ni tih a hriat loh thu a sawi thung.
Hetiang thil hi UP-a Jhansi, Mau leh Mirzapur, Haryana hmun \henkhat leh Punjab leh Bihar-ah te a thleng niin thu a thang bawk a, Uttar Pradesh Chief Electoral Officer Lakku Venkateshwarlu chuan heng EVM te hi thuneitute hriatpuina nen sawn an nih thu a sawi mahse eptu pawl hotute chuan an ngaih thiam loh thu leh thil thleng hi endik an phut thu an sawi a ni.
