Vanglaini chanchinbu-in vawiin khan Aijal Club-ah Mizorama Chakma-te dinhmun sawihona, ‘Zoram Titi’ a buatsaih a, tel tura sawm mi \hahnem takin an hriat dan leh ngaihdan an sawi. A sawi hawngtu, Vanglaini Editor, Pu K. Sapdanga chuan, Chakma te chungchang hi Mizoram mipuite ngaihven tling a nih avanga he sawihona hi buatsaih a nih thu leh, he sawihona hian rah \ha a chhuah ngei a beisei thu a sawi a, Chakma Autonomous District Council-a MDC hlui leh ni mek te, Chakma MLA ni lai leh tlawmngaipawl aiawhte an tel thei lo chu pawi a tih thu a sawi bawk. He sawihona hi Vanglaini Jt Editor, Lalnghinglova Hmar-in a kaihruai a ni.
MZP hruaitu hlui, Pu Lalmuanpuia Punte chuan, Chakma khawtlang hruaitu leh an sorkar hruaitute zingah ram dang mi ngaimawh leh chhuahtir duhtu an awm ve reng niin a sawi a, MZP-in hma a lak \hinah pawh heng mite hian an lo pui \hin nia sawiin, Chakma-te chungchangah hian nu but-a thil tih chu thil \ha ber a nih loh thu a sawi a, tuna Tripura camp-a Tuikuk awm te, an awmna Camp-a vote thlaktir an nih chhan pawh nu but chunga thil tih a awm vang nia sawiin, hei hi sim a \ul thu leh uluk leh fimkhur taka dan hmanga thil tih a ngai zawk niin a sawi.
Central YMA Vice President, Pu Vanlalruata pawhin kar leha YMA khawmpui lian neih turah ‘Dan lo-a din CADC chu dan anga \hiah ni rawh se’ tih agenda chhawp chhuah a ni dawn niin a sawi a, CADC lo pian dan hriat chian a \ul thu sawiin, he hmunah hian Pawi Lakher Regional Council a awm \hin a, Mizoram chu UT-a hlan kai a nih khan Pawi leh Lakher ADC a pian rualin CADC hi a piang ve nawlh nia sawiin, he thilah hian thil dik lo a awm ngei nia an hriat thu leh Mizo mipui pawh rawn an ni lo nia an hriat thu a sawi. Pu Vanlalruata chuan, CADC chungchangah dan anga thil tih a pawimawh thu sawiin, Court-in a \hiah theih beiseina pawh a awm tih a sawi a, Political party hrang hrangte pawh Chakma chungchanga an ngaihdan chiang taka puang tura a phut thu sawiin bawhzui danah lungrual taka \antlan a ngai niin a sawi bawk.
MZP General Secretary, Pu L. Ramdinliana pawhin Chakmate chu inthlah chhawnga pung ni lovin, ram dang a\anga lo pem lut an tam avanga pung an ni tih a chiang hle niin a sawi a, Birth certificate lem insiamsak pawh an ching nia an hriat thu sawiin Chakma-ten Mizo te chu an dodal ngam tawh avangin \anrual a \ul hle niin a sawi. Pu L. Ramdinliana chuan, nu buta thiltih chu thil \ha ber ni lo mahse a ngaih chang a awm em tih chu an ngaihtuahnaah a awm \hin niin a sawi a, Chakma chungchangah hian party leh kohhran nihna te dah \hat a ngai nia a hriat thu sawiin, CADC \hiat tura p>n ngam sorkar neih a \ul nia an hriat thu a sawi. He sawihonaa tel te hian rawtna hrang hrang siamin BSF ringawt ring loin, khawthlang lam, Chakma tamna bikah police hmun dah te, hmasawnna hna nasa zawka thawh te, hmasawnna ruhrel \ha siam te, kawng \ha zawk siam leh Village registration buatsaihte an rawt a, he sawihonaah hian Civil Service officer pension tawh te, University leh college zirtirtu te, research scholar te, NGO hruaitute, political party \henkhat hruaitute, social worker leh media mite an tel a ni.
Vanglaini chanchinbu hian Zoram Titi hi kum 2011 khan a buatsaih \an a, tun \um hi a vawi 7na a ni a, a hun laia thil pawimawh leh langsarte sawiho \hin a ni.
