Rorel inkhawm \an anih veleh hun hmasa berah sunna hun hi hman a ni a, Chief Minister Pu Zoramthanga chuan Pu C Sangzuala chanchin tlangpui sawiin, kum 1998 ah MNF Party ticket in Aizawl South II bial a\anga MLA a thlantlin a nih thu te, MLA a nih chhungin Deputy Govt Chief Whit ah ruat a nih thu leh ‘Mizo Customary Law Committee’ leh ‘Mizoram Social Defence and Rehabilitation Board’ ah te chairman a nih thu a sawi. Pu Zoramthanga chuan Pu C Sangzuala hi Mizoram pumah mi hming\ha leh hmingthang a nih thu a sawi a, Synod literature lama a sulhnute chu chhuanawm tak tak a nih thu a sawi a, Kristian Tlangau pawh dinhmun sang taka chawisangtu a ni a ti a. A thihna chu Assembly rorelna In mai bakah Mizoram pum tan channa nasa tak a ni a ti.
ZPM Legislature Party hruaitu Pu Lalduhawma pawhin Pu C Sangzuala chu Upa C Sangzuala tia hriat lar a nih thu leh BD zir zo, Kohhran Upa tlemte zinga mi a ni a ti a, Kristian Tlangau leh Kristian Naupang chanchinbu ah te editor a nih bakah Synod News Letter pawh a lo enkawl tawh a, ‘Ral Vengtu’ tih chu ama phuah chhuah a ni a ti a, Synod Secretary hna pawh term 4 a chelh a ni a ti a, tawnhriat ngah tak a nih avangin Inkhawmpui rorel nikhuaah pawh a thu ngaihchan a ni fo \hin a, a taksa chu awm tawh lo mahse, a thlarau leh a sulhnute chu \hangtharte hnenah a la awm reng dawn a ni a ti.
Congress Legislature Party member Pu KT Rokhaw pawhin Pu C Sangzuala hi mi inngaitlawm leh kawm nuam a nih thu te, ruihhlo ngaite tana mi inpe a nih thu te a sawi a, a hna a\anga a pension hnu lawka MLA a thlan tlin nghal a nih avangin party politics in a tih buai loh a ni a, engkim lai taka thlir \hin mi a ni a ti.
Power Minister Pu R Lalzirliana pawhin Pu C Sangzuala chanchin hi sawiin, mi te rilru tihnat hreh tak, \awngkam dengkhawng hmang ngai lo a nih thu a sawi.
Pu C Sangzuala sunna lantir hian House member te chu minute khat chhung ngawi rengin an ding a ni.
