No Vehicle Zone hi chawhma dar 10 a\anga tlai dar 4 thleng neih a ni a, hemi chhung hian Chanmari leh Zodin Square inkarah Thirsakawr leh Nawrlirh tiamin lirthei eng chi mah tlan luh phal a ni lova, chhim lamah chuan lirtheite chu Canteen kuala Pedestrian Fly Over Bridge hnuai a\angin an let leh a, hmar lamah chuan Chanmari Biak In an hel hnuah tlan let tir leh zel an ni. Traffic hotute chuan vawiina No Vehicle Zone siam a nih chhung hian buaina leh harsatna thleng a awm lo tih a sawi a, Aizawl chhim leh hmar inkalpawhna kawngpui khar a nih avanga a helna kawng siamah pawh Traffic Jam vanga harsatna liantham a thleng lo niin an sawi. No Vehicle Zone hi kum 4/5 vel siam a nih tawh avangin mipuiin a \angkaina an hrethiam tawh a, dan bawhchhiat tum pawh an awm lo niin a sawi bawk.
No Vehicle Zone hman a nih chhung hian Aizawl khawpui chhung chhim leh hmar inkarpawhna kawngpui, Main Road khar a ni a, hmar lam pan turte chu tlak lamah Temple Square a\angin Vaivakawn lamah kalin, Hunthar veng lam an pan a, LMV leh a hnuailam chu Company peng lamah kalin Bawngkawna an chhuah chhoh bakah Chanmari West lamah kalin, Chanmari kawnah an chhuak chho thei a. chhuah lamah chuan Sikulpuikawn a\angin Republic veng lamah kalin, Bethlehem a\angin Chhinga veng lamah a kal a. Teasury Square a\angin Republic veng lamah kual lutin, Electric veng lamah a chhuah theih bawk a. Chhim lam pan turte chu tlak lamah – Chanmari Biak In bul a\angin Chanmari west lamah chhukin Vaivakawn lamah an kal a. Chhuah lamah chuan Bawngkawn a\anga kawng hnuaiah kalin, Ramhlun tan tlangin Electric a\angin ITI veng lamah an kal thei a ni. No Vehicle Zone helna kawngah hian lirthei eng chi mah kawng dala hun phal a ni lova, hei hian chhiatrupna, kangmei chhuak leh Emergency duty te a huam lo a ni.
