Sairang a\anga ZONET thudawn danin vanduaina thlen lai hian Pu Bisnu nupui fanaute hi an in sethlamah an awm a, pa ber hi hnathawkin a chhuak a, thli leh ruah thawk khan an In bula thingkung chu chhem-tluin Pu Bisnu te in hi a delh a, Kum 4 mi Lallawmkimi khuma mu lai chu a delh a, ka pawh chhawn loin a thi nghal a ni. Vanduaina thleng an hriat velah khawltangin chhanchhuah hna an thawk nghal a, Lalremmawii ruang hi Sairang PHC ah kalpui a ni a, Police ten enquiry an tih hnuah a ruang endik ngai lova ngaih a ni a, Lallawmkimi ruang hi zanin dar 7 khan vui nghal a ni a, an in hi a chhiat vek avangin Sairang Dinthar YMA hall ah vui inkhawm hi neih a ni. Sairangah hian chenna in chhia avanga harsatna tawk chhungkaw 14 an awm a, in chhe zinga pakhat chu luah zui tlak loh khawpin a chhia a, naktukah khawtlangin hnatlang kovin in chhe thawm \hat hna hi an thawk dawn a ni.
