Lawngtlai AOC Veng Field-a an party Booth Level Worker’s Meet vawiina neihah thu sawiin Pu Amit Shah chuan Mizorama kawngpui chhe lutuk pawh thla ruk chhungin \ha taka siam a ni ang a ti a, \halai hnathawh tur nei lo mi sing nga tan kum nga chhungin hnathawh tur siam sak an ni ang a, Engineering College, Medical College, Nursing Training Institute leh zirna in pawimawh dangte hawn a ni dawn niin a sawi a ni. Pu Amit Shah chuan Mizote duhdan angin Mizo \awng chu India ram \awng pawimawh a nih theih nan 8th Schedule-ah dah tum a ni ang a ti bawk. He inkhawmah hian Lawngtlai West biala BJP candidate Pu JB Rualchhinga, Lawngtlai East-a an candidate, Pu Vanupa Zathang leh Tuichawng biala an candidate Dr. Buddha Dhan Chakma te pawh an tel a ni. Hemi hnu hian Pu Amit Shah chuan Helicopter-in Vairengte a pan nghal a, Vairengte Joint YMA Khelmuala BJP huaihawta vantlang inkhawm buatsaihah thusawiin, Pu Amit Shah chuan Tuirial, Kolasib leh Serlui biala an candidate te vote tling turin mipuite a ngen a, Mizoramah BJP-in sorkar a siam chuan BPL chhungkaw tin tan buhfai kg khat cheng khatin an pe dawn niin a sawi a, Mizorama kawng chhia pawh an sorkar a\anga reilote chhungin an siam \ha vek dawn niin a sawi bawk. Zirna lam uar a ni ang a, Medical College, Nursing Training Institute leh Engineering College te din a ni ang a, \halai lehkha thiam hna nei lo sing nga tan kum nga chhungin hnathawh tur siamsak an ni dawn niin a sawi bawk. Pu Amit Shah chuan Central Sorkarin hmasawnna scheme hrang hrang hlenchhuah nan Mizoram sorkar tan cheng vaibelchhe tam tak pek a ni tawhin a sawi a, amaherawhchu heng sum te hi hman \hat a nih loh avangin awmze nei lovin a awm niin a sawi bawk. He inkhawm hi Vairengte South MPF Local Forum hruaitu-in a kaihruai a ni. Pu Amit Shah-an Vairengtea hun a hman chhung hi minute 20 chhung vel niin Vairengtea Zonet Reporter chuan a sawi a, hemi hnu hian New Delhi lam pana haw leh turin Vairengte a chhuahsan ta a ni.
