Chandan Mitra hian tun kar tir lam khan BJP a chhuahsan a, a inhnuhdawhna lehkhaah BJP policy \henkhat \ha a tih loh thu a tarlang a ni. Mitra hi kum 2016 West Bengal assembly inthlanah khan BJP ticketin Hooghly bial ah a ding a, a dahkham a chawi a ni. Amah bakah hian West Bengal-a Congress MLA Samar Mukherjee, Abu Taher, Sabina Yasmin leh Akhruzzman te pawhin Trinamool Congress hi an zawm bawk.
Kum 1993-a Victoria House bula buaina chhuak hriatrengna puala inkhawm buatsaihah heng mite hi lawmluh an ni a, West Bengal Chief Minister Mamata Banerjee chuan BJP rorelna chu paih thlak ngei a ni dawn tih sawiin, Prime Minister Narendra Modi kaihhruai sorkar chu kum 2019 inthlanpuiah an tla dawn niin a sawi a, MP 100 pawh an nei tling tawh dawn lo niin a sawi. Central sorkara BJP rorelna paithla turin West Bengal chuan hma a hruai dawn a ni a ti a, tunhnaia Prime Minister in Midnapore-a vantlang inkhawm a buatsaiha hulhliap zar chim chungchang chu entirnana hmangin hulhliap pawh tungding fuh hlei thei lo te tan ram din chhuah tir ngaihna a awm lo a ni a ti. Trinamool Congress chuan BJP paihthla la, ram chhanhim rawh tih thupui hmanga beihpui thlak a tum a ni.
