Siliguri-a Citizenship Amendment Act dodalna vantlang inkhawmah thu sawiin Mamata hian Independence hnu kum 70 ah khua leh tui nihna finfih \hat leh a ngaih chhan a hriat thiam loh thu a sawi a, India chu ram lian tak, hnam ze hrang hrang neite chen hona a ni a ti a, Prime Minister in Pakistan nena a khaikhin fo chu a chhan enge tih zawt letin, India Prime Minister nge a nih Pakistan ram palai tih a zawt a ni.
BJP chu NRC chungchanga tum lawk nei rana mipuite chawk buaiah Mamata hian a puh a, an hruaitute ngei ngei pawhin thu inkalh tak tak an sawi a ni a ti a, Prime Minister in NRC kalpui a ni lo ang tih a sawi laiin, Home Minister erawh chuan ram pum huapa kalpui a ni ang tih a sawi leh si a ni a ti.
